广州三字经

达芬奇的晚餐

人之初 口多多 笑骑骑 放毒蛇，声大大 无货卖 眼大大易学坏，
周身郁 扮忙碌 眼湿湿 扮忧郁，嘴藐藐 无得少 静鸡鸡认低威，
有早知 无乞儿 晨早知 中三T，担凳仔 霸头位 一张票 睇到笑，
好好好 睇唔到 绕埋手 晨早走，有得振 无得训 搞搞振无帮衬，
侧侧膊 唔多觉 搏大雾 唔洗做，有姿势 无实际 有交易靠实力，
七八九 饮到呕 硬骨头 食地球，手头紧 搵真银 乌啄啄任人将，
淡淡定 有钱剩 失失慌 害街坊，有得赌 精神好 三缺一惨过乞，
腾腾振 虾光棍 时运高 搏返铺，二仔底 无得睇 随口up 当秘笈，
赢粒糖 输间厂 赢把遮 输架车，有窦口 早d 抖 读书少比人藐，
头岳岳 四围度 烂挞挞 唔负责，无晒计 发long礼 咖哩啡扮阿姐，
频频扑 搵命搏 姿姿整有环境，咁人齐 等发围 趁佢病椤佢命，

出黎威 识抢咪 唔想衰 埋大堆，有异性 无人性 有杀错无放过，
.................. ...（此句已被楼主屏遮，儿童不宜）,
大笪地 食自己 做臭四 无定企，眼光光 等天光 印印脚等人约，
有断估 无痛苦 人工高 无秘捞，唔够班 执二摊 跟老顶有得醒，
走得快 好世界 走得摩 无鼻哥，大肚dum 无良心 大虾细比屎喂，
有background 无困难 有call li大餐史，number one 有纹身 渣fit人有疤痕，
密响call 无甩拖 手指指 靠FACE，十十下拉头马 中间界骑呢怪，
唔够皮 无面比 二三线 好难变，手指指 扮fans 无拉拉整笪疤，
白白净 无性病 人吓人 好易晕，吹吹水 唔抹嘴 趁你病挞你订，
癫癫地 唔识死 渣蓝筹 唔洗愁，过大海 搏好彩 四围走斗叠友.

用广东话读会觉得几搞笑，押韵。

huangzh198

我觉得 眼湿湿 扮委屈  都5错